Press release

Join Hypperconnected Museums
Museonan di Kòrsou ta selebrá Dia di Museo  18 – 20 Mei

Asosashon di Museonan di Kòrsou kier invitá henter pueblo di Kòrsou, na su tremendo aktividatnan di Dia di Museo entre 18 pa 20 Mei 2018. Durante e 3 dianan aki, nos ta invitá grandi, hoben i chiki pa bishita tur nos 24 museonan i  sera konosí ku Kòrsou su rikesa históriko i kultural. E apertura ofishal lo ta  17 mei ku Museum Night durante Punda Vibes.

Kòrsou tin por lo ménos 24 museo, ku huntu ta forma un pilar importante di nos rikesa kultural. Nos museonan ta eduká tantu nos hendenan lokal komo turistanan tokante nos herensia kultural, nos historia, kustumbernan, héroenan di pasado i presente. Mayoria museo ta den man di voluntarionan ku ta kere den nos herensia kultural i kier traspasá esaki pa próksimo generashonnan.  Di 18 pa 20 mei, museonan lo tin aktividatnan speshal i entrada redusí.

Pa e motibu ei,  e aña aki, nos a laga e tema di Dia Internashonal di Museo: Hyperconnected museums: New approaches, new publics,  inspirá pa nos pone atenshon na nos hóbennan. Nos ke enkurashá nan pa bin bishita nos museonan pa konektá ku nos historia i sabidurianan.

Pero naturalmente tur hende ta bonbiní.

 

Abo komo públiko tambe por konektá un museo ku otro, usando un di nos 7 konekshonnan prepará: Art via Air Mail, Sing and Dance, Create your own Art collage, Wisdom of life in Curacao,  Create your own Curacao historical museum i Taking care of our nature.
Anto na final share bo eksperenshanan usando hash tag #DiadiMuseo2018.

 

Art Foundation Curacao lo organisá un Bustour den wikènt pa bishita diferente museo.

 

Apertura Museum Night @ Punda Vibes
Parlamento Hubenil di Korsou lo realisá apertura ofishal di Dia di Museo, durante un tremendo Museum Nigh 17 mei durante Punda Vibes. Apertura ofishal lo ta 8.00 P.M. na Plasa Jojo  Corea

Pa mas informashon bishita
– website : wwww: Diadimuseo.com
– Facebook i Instagram: Museums of Curacao

Pa Redakshon: Pa mas Informashon tuma kontakto ku Marlon Reina 521 50 54