Ban topa ku : Su Girigori, biahe Suráfrika

NAAM ta presentá su promé charla públiko pa 2012, parti di e serie “Ban Topa ku: …”Ku introdukshon inovativo di “Live Streaming, pa esnan ku no ta alkansá yega personalmente tin e posibilidat pa sigui nos live via nos wèpsait www.naam.cw. Dia 9 di febrüari 2012 , pa 7or di anochi. Antropólogo Su Girigori lo duna un relato di su biahe resien pa Suráfrika i lo duna un splikashon di e proyekto CASAS/MINDS ku sra. Girigori lo kordiná den Karibe. CASAS/MINDS ta dos instituto Surafrikano versá den investigashon riba formashon sosial den Diáspora Afrikano. Sra. Girigori lo konta tokante su eksperensha na Suráfrika i mustra algun fragmento ku el a filma durante su bishita i portrèt ku el a saka. E charla lo ta na papiamentu. Un boka bisa otro!