Mapa di herensia kultural

Mapa Kultural Históriko di Kòrsou ta un inventario digital di herensha kultural di Kòrsou. E mapa ta inkluí na total 2700 elemento di habitashon humano. E ta duna un bista kla di 5000 aña di habitashon humano, inkluyendo herensha Afrokaribense, bayendo bèk te na e periodo promé ku Columbus.

E mapa a wòrdu kompilá a base di siguiente fuentenan:

  • resultado di investigashon arkeológiko i antropológiko di vários sitio históriko i kultural
  • mapa geológiko di Kòrsou
  • vários mapa históriko, manera e mapa tipográfiko detayá di J. Werbata, for di aña 1911.

E Mapa Kultural Históriko di Kòrsou a wòrdu desaroyá pa NAAM en koperashon ku Amsterdam’s Bureau voor Monumenten en Archeologie (BMA) di munisipalidat di Amsterdam, Hulanda.

E ta un kontinuashon di un inventario anterior dor di NAAM i Carmabi (e instituto lokal pa investigashon di naturalesa). E inventario aki a wòrdu kompilá pa yega na mas komprenshon di e herensha lokal i prevení pèrdida di mas sitio valioso kultural i históriko. E mapa ta forma parti integral di e dokumento Maneho di Arkeologia Kòrsou, kua a wòrdu desaroyá riba petishon di Diputado di Edukashon i Kultura.