Herensia Kultural

Herensha kultural

“Herensha ta un di e maneranan den kua, gradualmente, un nashon ta konstruí un sorto di memoria sosial kolektivo pa su mes” (for di Stuart Hall, 1999: Who’s Heritage?). Esaki ta e kaso spesialmente ku paisnan Karibense manera Kòrsou, ku un historia largu di kolonisashon, sklabitut i migrashon. E herensha kultural ta inkluí ophetonan kultural i e memoria kolektivo di un komunidat, komo fuente esensial di su historia i kultura, partikularmente su identidat.

Material i inmaterial

Den e konteksto aki e distinshon entre herensha kultural material i inmaterial ta bira mas kla. Herensha material ta konkreto i visibel i ta inkluí opheto i instrumento, edifisio, paisahe, konstrukshon, símbolo i dokumento karakterístiko pa e moda di biba i fase históriko di un komunidat.

Herensha kultural ta inkluí tur fuente intelektual, emoshonal i spiritual di historia i kultura di un komunidat, su relashon ku naturalesa i desaroyo di su identidat. Herensha kultural ta kontené den e lenga(nan), orientashon, historia, religion i kustumbernan di un komunidat.

Nos herensha kultural

Nos herensha kultural ta e resultado di fragmento di kultura di personanan ken a yega riba nos isla 5000 aña pasá i despues di Europa, Afrika, Asia i di otro partinan di Karibe.