Kolekshon Arkeológiko

Pader Antonius van Koolwijk (1878 – 1880) tabata e promé persona ku a kuminsá ku investigashon arkeológiko na Kòrsou. Resultadonan di e promé investigashon arkeológiko dor di pader Antonius van Koolwijk i su susesornan na promé instansha a wòrdu wardá den depósitonan di AAINA (presusesor di NAAM) i despues a wòrdu transferí na NAAM. Ta trata di kolekshonnan di Kòrsou (90%) pero tambe di e otro islanan ku tabata konstituí Antias Hulandes i Aruba.

E tesoro arkeológikonan di NAAM ta konsistí di:

  • Un kolekshon marítimo, inkluyendo artefakto di karga di e bapor Alphen, kua a eksplotá na aña 1778 den haf di Willemstad. Ekskavashonnan a resultá den pòchi i ophetonan di glas, palu, wesu i artefakto di metal i tambe kañon, bala di kañon, moneda i otro opheto históriko.
  • Un kolekshon ekstenso di artefakto i informashon tokante e periodo promé ku Columbus, kua ta sirbiendo komo un base sólido pa hopi publikashon sientífiko. E kolekshon aki ta resultado di investigashon arkeológiko dor di profeshonalnan manera H. van Heekeren , C. Dury , E. Boerstra i J. Haviser. E artefaktonan ta inkluí muebel i un kantidat di opheto di Landhuis Savonet, ku resientemente a wòrdu reskatá dor di NAAM en koperashon ku otro museo i organisashon. E kolekshon ta wòrdu registrá i restorá promé ku wòrdu ekshibí den museo di Savonet. I miéntras, pa rasonnan di efisiensia, vários skolnan lokal ta serando nan porta, NAAM a keda traha ku entusiasmo na reskate di ophetonan eksepshonal di skolnan di ántes.
  • Un kolekshon di herensia di sklabitut.