Mr. Alma Louise De Bode – Olton den seri Sombra di Koló

Pa por kombatí deskriminashon rasial efektivamente ta esensial pa nos konosé nos leinan. Kiko nos por hasi ora tin deskriminashon? Kua instrumento ta na nos alkanse? Kiko e gobièrnu di Kòrsou por hasi pa kombatí deskriminashon?

Durante e charla mr. De Bode-Olton lo para ketu na kuadronan hurídiko ku ta vigente na Kòrsou pa kombatí i/òf prevení deskriminashon rasial. Lo e elaborá tambe riba algun tratado relevante tokante derechonan humano ku a originá sea na Nashonnan Uní òf na Konseho di Europa i ku ta ofresé garantianan internashonal pa siudadanonan.  Finalmente lo e enfoká tambe riba provishonnan hurídiko den kua e prinsipio di no-deskriminashon ta ankrá i ku tur hende por invoká pa nan derechonan.

Sra  mr. Alma Louise de Bode-Olton a studia Lei antiano na Universidat di Antia Hulandes. Durante su karera serka gobièrnu el a speshalisá riba tereno di derecho di tratado.  E a sigui diferente estudio postdoktoral, entre otro na UNA, na Haagse Academie voor het Internationaal Recht na Den Haag i na Instituto di Derechonan Humano na Ginebra i Straatsburg.
Banda di su funshon di gerensia na Directie Buitenlandse Betrekkingen el a representá gobièrnu sentral diferente bia den kuadro di derechonan humano durante tratamentu di e diferente rapòrtnan di pais durante konferenshanan mundial di Nashonnan Uní. El a konkluí su karera na  Directie Buitenlandse Betrekkingen komo diplomátiko na Havana (Cuba) i Port of Spain (Trinidad). Aktualmente e ta e promé pastor femenino di e Iglesia Anglikano na Kòrsou.

E charla lo ta na Hulandes. Pregunta i diskushon lo ta na papiamentu i hulandes.
Dia:  djasabra 17 di  yanüari 2015
Ora  7.00- 9.00 P.M.
Porta ta habri 18.00   pa tur hende por disfrutá di Eksposishon Sombra di Koló, kaminda diferente artista plástiko yu’i Kòrsou ta duna nan vishon riba rasa i rasismo.
Sitio  NAAM ,Johan van Walbeeckplein 13
Entrada: naf 5,-
E charlanan ta sigui hinter luna di yanüari ; dia 24 di yanüari  Rose Mary Allen  –  Rasa Etnisidat den polítika di migrashon di Kòrsou i dia 31 di yanüari   Jeanne Henriquez  –   Nashon i Identidat
Pa mas Informashon: www.warwaru.com i www.naam.cw , info@naam.cw  tel: 4621933 / 4621934