“Bou di protekshon di Señor. Karta di shimaronnan di Sürnam”

National Archaeologisch Anthropologisch Memory Management’ (NAAM) ta tene un ekshibishon den kooperashon ku ‘Nationaal instituut Nederlands slavernijverleden en erfenis’ (NiNsee). Ta trata di un ekshibishon tokante pasado di sklabitut na Sürnam i tokante kartanan ku ‘shimaronnan’ ku a konvertí a skibi manda
pa misioneronan na Hernnhut, ku e título “Onder de hoede van de Heer”.

E ekshibishon ta habri awe dia 22 di mei 2009 i ta keda habrí pa públiko durante tres (3) luna. E ta sera dia 23 di ougùstùs 2009 riba dia ku internashonalmente abolishon di sklabitut ta wòrdu konmemorá.
E ekshibishon ta konsistí di kartanan prosedente di interior di Sürnam di e periodo despues di 1791. Ta pa promé biaha ku ta ekshibí e kartanan akí na Kòrsou i ta shimaronnan (esta katibunan ku a hui) ku a konvertí i bira predikadó asistente a skibi nan.