Maneho di museo

Fiansa

Un di e tareanan sosial di NAAM ta pa kontribuí na edukashon i konsientisashon di nos herensha kultural, pa medio di fiansa di opheto. Pa e motibu aki NAAM regularmente ta fia opheto na museo, institutonan di edukashon i personanan privá, tantu pa ekshibishon komo pa investigashon òf pa otro motibunan. Kada fiansa ta wòrdu registrá via un kontrato di fiansa grátis i firmá pa NAAM i e instansha òf persona konserní.

Kondishonnan general i prosedimentu

Fiamentu di opheto ta mará na kondishonnan i prosedimentunan manera stipulá den e siguiente Kondishonnan general & prosedimentunan pa fiansa grátis

Depósito

E depósito nashonal di herensha na Johan van Walbeeckplein ta kontené mayoria di kolekshonnan nashonal ku no ta wòrdu ekshibí òf fiá. Den e depósito aki ta warda kolekshonnan ku ta propiedat tantu di NAAM komo di otro institutonan ku a entregá nan tesoronan pa kuido den man di NAAM. E depósito nashonal ta inkluí mas ku 12,000 opheto di museo. E ta konsistí di 200 meter kuadrá di espasio den un ambiente protehá i kontrolá.

Ambiente kontrolá

E manager di kolekshon i su empleadonan voluntario ta traha diariamente riba klasifikashon i konservashon di e ophetonan pa preservá nos herensha pa generashonnan futuro. E depósito no ta habrí pa públiko pero ta visibel si dor di un partishon di glas ku ta kore di suela pa plafònt. E depósito por wòrdu bishitá riba petishon, bou di supervishon di un di e empleadonan.