Durante e Seminario di Legislashon Herensia Kultural ku NAAM a organisá aña pasá i kaminda hóbennan for di Boneiru di BONAI tabata presente, a ekspresá e deseo pa na Kòrsou tambe promové serka hóbennan, atenshon pa arkeologia. NAAM ke laga hóbennan traha pa konosé e trabou ku arkeólogo- i antropólogonan ta hasi, pa e siensianan kultural ei bai biba mas serka e generashon nobo. Meta ta tambe pa promové ku mas konosementu ta surgi pa preservashon i atenshon pa nos herensia kultural den e futuro plannan pa desaroyo. E idea akí a kristalisá ku yegada aña pasa di Cimberly Symister, alumno di Peter Stuyvesant College i futuro studiante di arkeologia, i e arkeólogo Amy Victorina kende a kaba su estudio na yüni ku a kaba ei.
E grupo di trabou ku a kuminsá awor akí ta dirigí riba hóbennan di 12-20 aña. E grupo a reuní na prinsipio di òktober pa promé bes pa prepará kontenido di e trabou. Ademas nan a yuda limpia e monumento impreshonante di siglo 18, Fort Beekenburg ku por konta un historia emoshonante di okupashon i di resistensia manera bou di liderazgo di Luis Brion (1806).
Mas adilanti lo sigui ekskurshon na sitionan di arkeologia i places of memory, pa yuda deskribí eseinan òf pa yuda ku registrashon di ophetonan ku haña, bou di guia di arkeólogonan Amy Victorina i Claudia Kraan, i antropólogo Su Girigori.
E aktividatnan riba tereno ta tuma lugá den kooperashon ku e Grupo di Arkeologia di NAAM. Djabièrnè awor lo kuminsá limpia e monumento di de Ruyters Uytkijk na Caracasbaai.
Hóbennan interesá pa partisipá i kendenan ainda no a duna nan nòmber, por tuma kontakto ku Amy Victorina di Fundashon NAAM na telefòn 462 1933 òf 462 1934.
Pòrtrètnan:
Algun di hobennan i grupo di trabou arkeológiko di NAAM , 2010
E grupo di trabou ku a kuminsá awor akí ta dirigí riba hóbennan di 12-20 aña. E grupo a reuní na prinsipio di òktober pa promé bes pa prepará kontenido di e trabou. Ademas nan a yuda limpia e monumento impreshonante di siglo 18, Fort Beekenburg ku por konta un historia emoshonante di okupashon i di resistensia manera bou di liderazgo di Luis Brion (1806).
Mas adilanti lo sigui ekskurshon na sitionan di arkeologia i places of memory, pa yuda deskribí eseinan òf pa yuda ku registrashon di ophetonan ku haña, bou di guia di arkeólogonan Amy Victorina i Claudia Kraan, i antropólogo Su Girigori.
E aktividatnan riba tereno ta tuma lugá den kooperashon ku e Grupo di Arkeologia di NAAM. Djabièrnè awor lo kuminsá limpia e monumento di de Ruyters Uytkijk na Caracasbaai.
Hóbennan interesá pa partisipá i kendenan ainda no a duna nan nòmber, por tuma kontakto ku Amy Victorina di Fundashon NAAM na telefòn 462 1933 òf 462 1934.
Pòrtrètnan:
Algun di hobennan i grupo di trabou arkeológiko di NAAM , 2010