For di 4 te ku 11 di yanüari tin e eksposishon biahante "Teduki na Kaminda" serka NAAM , National Archaeological Anthropological Memory Management na Johan van Walbeeckplein 13.
"Teduki" ta e variante karibense di ‘quilts’ for di paisnan mas friu. Un grupo di 45 dama a traha 10 Teduki, i a pone nan mensahe personal pa e Pais Kòrsou nobo.
E eksposishon ku a biaha pa diferente otro instanshanan públiko a habri na 10-10-10.
E tedukinan tin diferente fecha pegá ariba ku ta forma un liña di tempu for di siglo 15. Kaminda momentunan importante den historia kultural di Kòrsou ta keda kontá.
E bishitante tambe por pone su deseo i pensamentunan riba e tedukinan i hasi e eksposishon di e manera aki unu netamente di pueblo.
E eksposishon ta yegando su final i despues di NAAM lo por mira e eksposishon pa último bia na Albert Hein den Salina van 11 tot 18 januari.

Tambe nos bishitante por disfrutá di e eksposishon “Skol di Ántes” ku a keda organisá den kuadro di dia internashonal di Enseñansa i ta dediká na e Historia di Enseñansa na Kòrsou.
Un lèsenar haltu riba un pedestal dilanti di klas, un mapa di Hulanda, bòrchinan ku aap-noot-mies i un krusifiho na muraya, banki di skol ku pòchi di enk, kroonpen i vlui kontra mòrsmentu ku enk” , ta aworakí eksponé te prinsipio febrüari den hal di NAAM na Pietermaai.

Por bishitá e eksposishonnan durante dianan di siman, di 9or pa 12or i di 2or pa 5or , gruponan ku ke bini por yama señora Constancia libremente na 4621933/34.

————————————————————————————————–
Pa mas informashon

Stichting NAAM (National Archaeological Anthropological Memory Management)
Johan van Walbeeckplein 13
Curaçao
Telefoon: 462-1933/462-1934
e-mail: info@naam.cw
Website: www.naam.cw