Fundashon Memoria Nashonal di Arkeologia i Antropologia (NAAM) tin komo meta, duna aporte na konservashon di i amplia konosementu di herensia kultural di Kòrsou, Boneiru, St. Maarten, Saba i St. Eustatius i reforsá formashon kultural i di identidat den un perspektiva karibense.

Entrante 1 di mei 2011 NAAM tin un vakatura pa un

DIREKTOR (m/f)

Reto

Komo direktor di fundashon NAAM bo ta enkargá ku guia general di e fundashon. Bo ta responsabel pa ampliashon di fundashon NAAM; bo ta inisiá i koordiná aktividatnan pa rekoudá fondo. Bo ta asesorá e direktiva, formulá liña di maneho , tradusí maneho aprobá den plannan konkreto i proyektonan i ta responsabel pa su ehekushon.
Ademas bo ta responsabel pa e maneho finansiero-atministrativo i di personal i pa komunikashon tantu interno komo eksterno. Bo ta duna reportahe na direktiva.

Bo profil

Konosementu di antropologia i/o arkeologia, museologia i di herensia kultural ta un eksihensha.
Bo por pensa i por traha na nivel akadémiko i ku bo tin bon bista riba desaroyonan i relashonnan lokal i regional riba tereno sosial i sosio-ekonómiko. Bo ta disponé ademas di eksperensia amplio di maneho (di proyekto). Bo tin ademas abilidat di mantené i amplia e ret di relashon. Bo ta ábil den komuniká ku hende, bo ta bini ku inisiativa i idea i bo ta un “team-player”.
Por lo demas bo ta dominá papiamentu, hulandes i ingles tantu papiá komo skirbí. Dominio di spañó ta un bentaha.

Nos ta ofresé
Si resultá ku bo ta un kandidato apto, nos ta ofresé un relashon di trabou ku kondishonnan faborabel, un totalidat di aktividat sumamente variá i ku lo ta un reto pa bo, i ku esaki oportunidat pa di un forma dinámiko, efektivamente bo por kooperá na ekspanshon di e Instituto di herensia kultural kurasoleño i karibense.

Bo reakshon
Si bo ta pensa ku bo ta korespondé na e profil akí, fabor manda promé ku dia 1 di mart bo karta ku bo Curriculum Vitae pa:

Fundashon NAAM
Na atenshon di Direktiva
Johan van Walbeeckplein 13
Willemstad, Curaçao
Number di telefòn:(05999)462.1933 òf 462.1934
Email: info@naam.cw
www.naam.cw