Pa klousurá e ekshibishon na NAAM, ‘Portrèt di Fraternan’, ku e periodista di ‘Brabants Dagblad’, Ton de Jong a manda Kòrsou, a invitá djárason 20 di aprel 2011 un sírkulo chikitu pa dediká atenshon na miembronan di ‘broeders van Dongen’, último ‘Kruisvaarder van Sint Jan’ ‘zusters van Roosendaal’. Broeder Franklin Clemencia i maestro di seremonia dr. Valdemar Marcha a hiba palabra. E ekshibishon a forma parti di un proyekto konhunto di ‘Stadsmuseum Tilburg’ i ‘Stichting Cultureel Erfgoed Caribisch Gebied en Nederland’. Huntu nan a hasi investigashon tokante e portrètnan di e kolekshon di Fraternan di Tilburg, relashoná ku permanensia di e fratrnan na Antia Hulandes i Sürnam. E ekshibishon tabata djis un prueba chikitu di e 26.000 portrètnan Caribense, ku awor tur hende por mira riba Internet. Ta trata di un banko di dato interaktivo, kaminda bishitantenan por añadí informashon òf kompartí rekuerdo. www.caribischerfgoed.nl
A invitá e religiosonan ku ta aki ainda, di kua mayoria pronto lo bai bèk Hulanda pa semper, pa bini huntu bin reflekshoná un ratu, tambe komo un gesto di gratitut pa nan dedikashon durante vários dékada. Ademas, komo homenahe na tur e héroenan silensia, ku afortundamente ta ainda na Kòrsou, pa indiká kon importante nan trabou di boluntario ta i su kontinuidat.
Lo duna atenshon na surnan di Roozendaal ku tei ainda. Ta kordanan komo ‘Hereonenan di Pasenshi.
Lo duna atenshon tambe na E último ‘Kruisvaarder van Sint Jan na Kòrsou, Toon van Dongen, ku ta dedik’é na yuda pobernan, ta bai bèk Hulanda pa sempr dia 15 di yüni 2011. Durante 35 aña e tabata redaktor di Amigoe.
Broeders van Dongen:
Broeder Piet Smetsers a dedik’é hopi aña largu na enseñansa di tráfiko i el a skirbi un buki di tráfiko ku e mes a ilustrá. E tabata presidente di ‘Vereniging Veilig Verkeer Curaçao’. Dia 27 di òktober 1987 a duna e parke di tráfiko pa hóben, su nòmber.
Broeder Ton Flinkenflögel tabata fundadó i durante 35 aña direktor di e sentro di kuido ‘Ricardushuis’.
Broeder Theo Derksen ketu bai ainda aktivo ku ‘Drecha Kas’ i trahando ku chòlernan, i kende diariamente ta sòru pa chòlernan tin paña limpi i un pan ku su ko’i kome ku pan.
Broeder Harry Hölsgens ta okupá ku ‘Kaba e Kas’.
Señor Jopie Cijntje ta di ‘Drecha Kas.
Broeder Franklin Clemencia ta e broeder mas yòn di tur ‘broeders van Dongen’. E ta ademas yu di Kòrsou. E ta pèrkurá pa e ‘broeders van Dongen’ di mas edat. Te na su penshun e tabata direktor na Seru Grandi, esta na e skol ku tantu tempu pasá ‘broeders van Dongen’ a konstruí.

Pa mas informashon:

NAAM
Johan van Walbeeckplein 13
Curacao
Tel. 5999-4621933 /34
info@naam.cw www.naam.cw