Tratado di Malta

E Konvenio di Malta tin komo meta pa mehorá posibilidatnan pa protekshon di herensha in situ (kaminda e la wòrdu deskubrí). E konvenio, kua a keda adoptá dor di Konsilio Europeo na 1992, ta konserní spesialmente sobránan di graf i di kas, i artefakto. E tipo di herensha aki hopi biaha ta wòrdu deskubrí durante proyektonan di konstrukshon, ora ta demasiado lat pa kuminsá akshon di reskate ku éksito. E Konvenio di Malta ta stimulá investigashon den áreanan destiná pa konstrukshon promé ku komienso di e proyektonan. E konvenio tambe ta stimulá envolvimentu di arkeólogo na komienso di un proyekto.

Konvenio di Malta na Kòrsou

Den Antias Hulandes a adoptá e konvenio na 1998. Su prinsipionan mas esensial ta:

• Preservashon di herensha kultural in situ (Artíkulo 4)
• Tene kuenta ku herensha kultural den ordenamentu teritorial na tempu pa garantisá ku por buska solushonnan alternativo kontra gastu mínimo (Artíkulo 5)
• Den kasonan kaminda e plannan di desaroyo ta hasi preservashon di herensha imposibel, e doño di proyekto lo paga e gastunan di investigashon (Artíkulo 6)
• Komunikashon ku pueblo general (Artíkulo 9)
• Interkambio di konosementu entre ekspertonan (Artíkulo 12).
• Mapanan di balor kultural-históriko

Pa por kumpli ku e eksigensianan di e Konvenio di Malta, a desaroyá un dokumento di maneho arkeológiko. Kompañando e dokumento a desaroyá un mapa kultural-históriko, mustrando tur sitio kultural-históriko di relevansia riba e isla.

Programa kultural-históriko

Den kasonan kaminda ta resultá ku áreanan destiná pa desaroyo ta lokalisá den partinan ku signifikashon kultural-históriko, outoridatnan lo anunsiá esaki i referí na e programa kultural-históriko ku mester sigui. Medidanan sigun e programa aki por varia di investigashon te ekskavashon pa tumamentu di mònster botániko.